حوار مع صاحب مزرعة دواجن

أولا المواصفات الفنيه لبناء مزرعه الدواجن
1- تبني مزرعه الدواجن في مكان هادئ بعيدا عن المنازل وعن أي مكان به طيور خوفا من أنتقال العدوي
2- تبني المزرعه بشكل طولي بحيث يكون أتجاهين الأجناب هما البحري والقبلي
3- تكون مساحه المزرعه حسب رغبه صاحبها وتكون طاقتها حسب مساحتها ومعدلها هو 1 متر مربع لكل 8 طيور
4- الأضاءه داخل العنبر تكون متوسطه وليس ساطعه أو ضعيفه

ثانياً تربيه الدجاج داخل المزرعه من عمر يوم حتي نهايه دوره التربيه وبيع الطيور

أولا فتره التحضين وهي من عمر (يوم :6أيام)
تدخل الكتاكيت المزرعه وهي عمر يوم علي درجه حراره حوالي 34 درجه
تقدم لها المياه ممزوجه بالعسل الأسود أو السكر لأحتياجها نسبه جلوكوز
لا يقدم العلف مباشره حتي تمتص بحاجه تعرف ((بكيس المح)) داخل الكتاكيت
يقدم العلف بعد وصول الكتاكيت العنبر بحوالي 6:8ساعات
وطول فتره التحضين يضاف للكتاكيت الأدويه الأتيه
1-فيتامين أ.د3 وهو فيتامين مقوي عام
-2- فيتامين هــ سلينيوم وهو فيتامين رافع للمناعه
-3- فيتامين ب.ك كولين وهو مقوي للعظام
-4- أملاح معدنيه وهي عناصر مفيده
-5- مضاد حيوي تنفسي مثل (( السيبروفلوكساسين))
-6-مضاد حيوي معوي مثل ((الكوليستسن أوالنيومايسين))
هذه الأدويه تعيش عليها الكتاكيت حتي عمرها السادس بالليل

اليوم السابع صباحا يعطي مصل يسمي ((هتشنر)) ضد
مرض النيوكاسل ولأخر اليوم مياه بيضاء بدون أي أدويه لأن الأدويه المباشره تفسد مفعول المصل
(ملحوظه)أي مصل أن ذادت حرارته عن 8 درجات أو قلت عن 2 درجه مئويه يعتبرفاسد
لأبد من أمتصاص الدواجن (http://www.sg-es.net/vb/redirector.php?url=http%3A%2F%2Fwww.el-ta7ona.com%2Fvb%2Fshowthread.php%3Ft%3D7078)المصل الممزوج بالماء في مده لاتزيد عن نصف ساعه لذلك يتم تعطيش الدواجن (http://www.sg-es.net/vb/redirector.php?url=http%3A%2F%2Fwww.el-ta7ona.com%2Fvb%2Fshowthread.php%3Ft%3D7078)يوم المصل صباحا حوالي 4:5 ساعات حسب الجو
أذافتح المصل في الهواء يبقي ياخراب بيت صاحب المزرعه لأزم يفتح تحت الماء في البرميل لأن المصل عباره عن مرض تكتسب منه الدجاجه مناعه ضد نفس المرض ((تتطعيم))

+ حقنه أنفلونزا الطيور وهي تعطي بالرقبه

من عمر ((8 أيام حتي عمر 11 يوم))
تعطي الكتاكيت بعض الفيتامينات حسب رؤيه المدير الفني للعنبر وبعض المضادات الحيويه حسب حاله القطيع

عمر 12 يوم يعطي مصل ((الجامبورو)) الأول

من عمر ((13 ألي 17 يوم))
تعطي جرعه كوكسيديا ثلاث أيام متواصل مع 6 ساعات يومياغسيل كلي
والكوكسيديا هو مرض في الدواجن (http://www.sg-es.net/vb/redirector.php?url=http%3A%2F%2Fwww.el-ta7ona.com%2Fvb%2Fshowthread.php%3Ft%3D7078)أذا لم يعالج بطريقه صحيحه يتسبب في حدوث نفوق عالي الدرجه في المزرعه مما يؤدي للخساره وأدويته هي
أمبروليم + سلفاديمادين صوديوم 33:5%+ف ك.3 أو
ديافردين+ أمبرول+ فيتامين ك3
ويوضع بعد هذه الأدويه مباشره أدويه الغسيل الكلوي وهي
رينيل.... أو غيره من أدوريه الغسيل الكلوي
واليوم السابع عشر تعطي مياه بيضاء وأخر اليوم فيتامين هــ. سلينيوم رافع للمناعه أستعدادا للمصل
ملحوظه:يحقن الدجاج في عمر 14 يوم حقنه تسمي بنه الزيتي وهي تتطعيم ضد النيوكاسل

عمر ((18يوم))
يعطي مصل (( اللاسوتا)) ضدالنيوكاسل

من عمر ((19 ألي 23يوم))
في هذه الفتره يحتاج القطيع إلي جرعه مضاد حيوي تنفسي للألتهبات الرؤيه
وهي غالبا تكون واحد من الثلاثه الأتيه
دوكـسي , أوكسي..أمـوكـسـي…كلورا تتراسيكلين...سيفوتاكسيم.....أمبسيللين.....وغيره العديد

عمر ((24 يو)) يعطي مصل (( الجامبرو الثاني))

عمر25:إلي 27 يوم
غالبا ماتكون مياه بيضه أو حسب رؤيه المدير الفني أو الطبيب حسب الأشراف
أو غالبا تعطي أدويه غسيل الكبد مثل الدوكسر ....أستيفا ميون وهو رافع للمناعه أيضا
وادويه مضاد السموم مثل دي توكس... أو سينر توكس وغيره من ادويه مضاد السموم


عمر 28 يوم مصل((الكولونا)) للنيوكاسل

عمره 29 يوم إلي أخر الدوره العمر 40 وما ذاد
ثلاث أيام مضاد كوكسيديا + غسيل كلي ومضاد سموم وكثيرا مايضاف مضادالسموم من عمر 12 يوم إلي أخر الدوره عادي
وثلاث ألأيام الأخري
تكون مضادات حيويه تنفسيه ولا يكرر الدواء المعطي للتنفس الجرعه السابقه
ثلاث الأيام التاليه((36إلي 39)) عمر البيع
تكون مضادات حيويه معويه خوفا من الأسهالات والكوليسترديا والسلمونيلا والأي كولاي والمايكوبلازما لأنه عمرحرج
وأدويه الأسهالات مثل (( النيومايسين...الكوليسيتين....ستربتومايسين... وغيره العديد))
وأدويه الكوليسترديا هي (( متروكول.....وهنالك العديد ))
وأدويه السلمونيلا والاي كولاي (( هي جميع المطهرات المعويه أو الخميره ومضادات السموم مثل الدي توكس والسينر توكس والدوبريكس وغيره العديد))
وأدويه المايكوبلازما هي ::دوكسي بيوتك... و( سبروفلوكساسين+ أمبسلين))... ستربتومايسين... وغيره العديد


وعرفكم هتقولوا كل دي أدويه بتخدها الفراخ؟
نعم.... وصاحب المزرعه مش غاوي تبذير متلمهوش لوموا الدجاج الأبيض اللي مش مسترجل ومبيستحملش وأي بخل يضيع الدنيا

العلف 3أنواع((بادي:نامي: ناهي))
من عمر يوم إلي 15
علف بادي
من عمر 16 إلي 29يوم
علف نامي
من عمر 30يوم للأخر
علف ناهي

ملحوظه هامه:: الدجاجه من عمر يوم حتي عمر 30 يوم تأكل 2 ك علف وتعطي وزن 1 كجم
ومن عمر 30 يوم حتي عمر 40 يوم تأكل 2ك علف وتعطي 1 كجم وزن أي تصبح وزنها 2 كجم
2-معدل النافق::دجاجه لكل 1000 دجاجه يوميا

أنواع الكتاكيت
هنالك أنواع عديده من الكتاكيت لكل منها مواصفات وهي
النوع الأول يسمي (( هبر)) ويفضل الشتاء ويميزه قصر الدجاجه علي الارض وتكون انواع دجاجه عريضه لها ريشتين واقفين في الاجنحه يشبه المحارب
النوع الثاني ((روص)) يفضل الصيف ويميزه طول ارجل الدجاجه وصفاته عفيف النفس يأكل أعلاف ويترك اعلاف ويمتلئ باللحم بعد عمر متأخر في المزرعه وانا شخصيا أفضل هذا النوع لتحمله الظروف القاسيه وهناك أنواع مشتقه منه مثل plus two
النوع الثالث ((cup)) يلائم الصيف والشتاء ويميزه وجود نقط سودا في ريش الدجاجه وصغرالحجم ولكن مع وزن ثقيل ويعيبه ضعف مناعته
النوه الرابع ((أيفيان)) تشبه كتاكيت ((الهبر)) ولكن لا أحد يفضل هذا النوع لضعف مناعته وتحويله الضعيف
وهنالك العديد من الأنواع ولكن هذه الأنواع هي الشهيره والمتوفره بصوره كبيره بالأسواق


ملاحظات حسابيه للي عايزيعمل المشروع دا ((محدش يتخض))
** ملحوظه::سعر الكتكوت متغير يوميا ((عرض وطلب))
وصل سعر الكتاكيت في شهر يوليوا الماضي إلي 10 جنيه للكتكوت الواحد
وأنا نزلت يومها 10 ألأف يعني 100 ألف جنيه كتاكيت بس!!!
الدجاجه الواحده لها 4 كيلو علف والمفروض تعطي وزن 2 كيلو علي أخرعمرها وأن قلت عن هذا يبقي هناك خلل وخسائر طبعا وأن ذادت فهذا من بركه ربنا وأداره ناجحه
يعني ال ((10 الأف كتكوت تأكل 40 طن علف في ال 40 يوم
سعر الطن حاليا 3000 ألاف جنيه يعني 120 ألف جنيه علف بس
متوسط تكلفه الدجاجه من أدويه و أنابيب وعمال حوالي 3.5
يعني أل ((10ألاف )) تأخذ حوالي 35 إلف جنيه تكاليف أخري
وهناك مصاريف أخري طبعامثل نقل العلف والكهرباء ومصاريف العمال اليوميه

فتعالي نحسب مكسب صاحب المزرعه
100 كتاكيت
120 علف
35 دواءوتكاليف أخري= 255 ألف جنيه تكلفه في 40 يوم
من المفروض أن يحصل صاحب العنبر علي حوالي ((19:20)) طن لحم وزن الدجاج
نضرب 19.5 طن في السعروالسعر هو بورصه يوميا مقرها بنها وهو عرض وطلب
يعني مكسب ألوفات وخساره ألوفات



والله يكون في عون أصحاب (http://www.sg-es.net/vb/redirector.php?url=http%3A%2F%2Fwww.el-ta7ona.com%2Fvb%2Fshowthread.php%3Ft%3D7078)المزار ع وحرقه الدم والأعصاب اللي هما فيهم
والظلم الذي يواجهم دائما من الناس والبيئه والطب البيطري ووزاره الزراعه


ومعلش طولت عليكم

رومـــاني عـــادل
صاحب ومدير فني وأداري مزرعه البابا كيرلس لتربيه الدواجن
خبره6 سنوات
---------------
:hmjhfj::patch_cuisin::a6rbc_7:
http://www.sg-es.net/vb/images/icons/b8.gif

مرحب بيك أ/ فوزي في منتدي مارجرجس بالسنطه وربنا معاك ويكملك الدوره علي خير وأنا ياسيدي ولا دكتور ولا حاجه هي مسأله خبره وكله بيد ربنا بس بالنسبه للمشكلتك أنا بنصحك بــ
أولاٌ ياريت تروح معمل تحليل لأن المشكله دي في العمر دا مش حلوه ومش مرتبطه باره هي اره كده عندك معقوله
ثانيا مشكلتك مشكله معويه ممكن تكون عيب المضاد الحيوي المعوي في التحضين فا من وجهه نظري أنك تعطي جرعه مضاد حيوي معوي يأما قبل مصل الجامبورو أو بعد المصل بس تمصل بدري علي عمر 10 أيام أو 11
لو عطيت الجرعه قبل المصل يبقي ممكن تعطي جرعه كولتسين أو نيومايسين أو مورتريل او أنروفلوكساين + مطهر معوي مثل الكيبروأسيد مع كبريتات النحاس أو جرعه دوكسي بيوتك ودا اللي بفضله لأنه بيشتغل معوي وتنفسي ومايكوبلازما وممتاز جدااا بس تبقي شركه كويسه بعد كده تمصل مصل الجامبورو وبعد المصل ممكن تعطي 12 ساعه رفع مناعه تراي أميون أو أستيفاميون أو ه سيلينيم وبعد كده تنزل بجرعه كوكسيديا لمده ثلاث أيام وربنا في أيديه الشفا لو بعد دا كله ولقيت النتيجه مش اللي هي متعطتيش تاني أدويه يبقي مفيش غير نه هي اللي هتظبط الدنيا عندك بس تجيب تركيبه كويسه وهقولك علي اللي بستخدمها أنا (( ستروكس اللي هي ستروبتومايسين + لينكوسبكتين سائل + سيفوتاكسيم)) وياريت متنساش أهم حاجه الأيام دي مضاد السموم وغسيل الكلي والكبد وياريت العنبر عندك لو مش مكيف اليوم اللي تعرفه هايبقي حر الصبح بدري تعطي 6 ساعات فيتامين سي أو أي مرطبات للأجهاد اري ....وربنا يكون معاك ويمد أيديه بالشفا
--------------------
, 05:38 PM
العفو أ/ خالد ربنا يكون معاك ويعديلك الدوره علي خير.... بس ياريت أعرف حاجه هي الفرخه كده تعتبر مرجعه في العلف يعني توزيع العلف اليومي قل؟؟؟؟؟ لو قل عن الأيام السابقه يبقي أكيد عندك مشكله ياريت تحلل ومتحقنش قبل ماتحلل عشان متعديش القطيع كله لأن أسباب ترجيع العلف كتير ممكن تكون مشاكل معويه أو تنفسيه أو فيرس لاقدر الله عشان كده ياريت حضرتك تحلل...عشان مش هاقدر أقولك أعمل أيه بالظبط لأن مش شايف القطيع قدامي.....أما بالنسبه أن الفراخ بتاكل العلف اللي تحت الفرشه يبقي ممكن يكون نوع الكتكوت اللي عندك روص لأن الروص دي من صفاته لكن برضوا هو الموضوع دا مش حلوه لأن الفرشه فيها كتير بكتريا ضاره وبتصيب الفرخه بالكوكسيديا والكلوسترديا ومشاكل معويه أخري بس برضوا حاول تكتر علفات ووسع الأيام دي علي قد ماتقدر عشان ماتزنقش القطيع لأن ممكن لو القطيع عندك زاحم بيعمل المشكله دي وياريت لو الكتكوت اللي عندك روص تبدل من علف الدلتا لعلف الوادي مع مراعاه مضادات السموم لأن علف الوادي ممتاز جدااااااااااا للكتكوت الروص بس بيعيبه سمومه الفطريه وياريت ماتسبيبش الأرضيه تلين أو تعمل ريحه داخل لعنبر لأن كده هاتعمل عندك مرض الكوريزا اللي هو ورم الوش وألتهاب الجيوب الأنفيه وياريت تبدل الأرضيه تحت السقيات بدون ماتهيج القطيع أو تنشط ريحه الأرضيه وفي الحاله دي ياريت يكون في وقت الشبابيك داخل العنبر مفتوحه وحاول برضوا علي قد ماتقدر الأيام دي تعطي رفع مناعه وفاتح للشهيه ومنشط نمو وأوعي وقت الشديد تخلي علف قدام الفراخ عشان العلف بيسخن الفرخه أكتر من الداخل فبيعمل أنفجارات في الأوعيه بالداخل مما يؤدي للنافق الشديد......وفي النهايه ياريت حضرتك تحلل عشان تعرف الخلل منين وتوسع للقطيع وتكتر من العلفات وأنت في العمر دا أكيد دخلت في مرحله العلف النامي....وربنا معاك..شكرااااااااااااااا
--------------------------
أسف أ/ خالد علي تأخيري في الرد علي حضرتك وربنا يمد أيديه بالشفا وعلي فكره كل اللي عندك دا كلام فاضي ومايخوفشي الكوكسيديا والبرد مايقلقوش لكن في حاجه:: أنا لما بحلل بحلل عشان أعرف أذا كان في فيرس لقدر الله ولا لا لأن الكوكسيديا بتبان في التشريح هي والبرد مش محتاج أحلل عشان أعرفهم ولكن ألأدويه اللي بيطلعها المعمل مش بحطها بعالج بدماغي لأن شركات الأدويه بتتعامل مع الدكتور لكي يكتب علي أدويتها فمن الممكن أن يكون الدوا سئ والدكتور يكتبه عشان متعامل مع الشركه بنسبه فاهمني حضرتك.. ,وبعدين أنا بستغرب علي أن المعمل كاتبلك دوا الكوكسيديا مع مضاد السموم اللي أتنين مع بعض عشان دوا الكوكسيديا مابيقبلشي أي دوا معاه غير فيتامين ك 3 وصدقني الفرخه اللي عندك جباره أنها مستحمله كده وبعدين النافق دا مش من قله ألأكل هي بتموت من اللي فيها وعشان هي مريضه زي الأنسان لما بيكون تعبان مبيقدرش ياكل أو مبيبقاش لي نفس ياكل
ثانيا الكوكسيديا مع البرد لو هتعالج الأتنين هياخدو وقت لأن الكوكسيديا أساسا علاجها المفروض 48 ساعه متواصل او حسب شدتها فأذا علجت الكوكسيديا مش هاقدر أعالج البرد ولو عطيت 12 ساعه و12 ساعه زي ماحضرتك بتدي هتتأخر في العلاج دا أذا جاب نتيجه وبتالي برضوا حاله القطيع هتتأثر فأنا بعمل حاجه في هذه الظروف أنا بحقن القطيع عشان أخد فرصه علاج في الميه براحتي مضغطش علي القطيع بكتر الأدويه وبرضوا عشان متبطأشي في العلاج فأنت حضرتك هقولك أنا في الحاله دي بعمل أيه وأنت برضوا براحتك
بحقن القطيع ليلتين متواصل ب (( ستروكس اللي هو ستربتومايسين + سيفوتاكسيم+ لينكوسبكتين)) نه الثلاثيه دي بتشتغل علي البرد والذكام والمايكوبلازما والأسهالات أو بمعني أخر بتشتغل معوي وتنفسي ولكن مبتشتغل علي الكوكسيديا فأنا لما بعطي نه دي بتديني فرصه أني أعالج الكوكسيديا بس بدوائها في ميه الشرب فياريت بعد نه تعمل أيه::
تعطي علاج الكوكسيديا 48 ساعه متواصل أو لو عندك مشاكل في السموم بتعمل حاجه تانيه
تعطي علاج الكوكسيديا 3 أيام أو 5 أيام علي حسب شدتها 12 ساعه فهيفضل 12 ساعه علاج الكوكسيديا لازم بعده مباشره أدي غسيل كلي خصوصا لو الدوا يحتوي علي سلفاديمين فهيبقي اليوم عامل أزي 12 ساعه وياريت تكون اللي 12 ساعه المسائيه يعني بالليل ممكن من 5 باليل ل5 صباحا دواء الكوكسيديا وبعدها 6 ساعات غسيل كلي وال 6 ساعات الأخري ممكن مضاد سموم أو ميه بيضاء وأوعي تعطي أي أدويه بها فيتامين ب عشان فيتامين ب بيوقف مفعول دواء الكوكسيديا وبينشطها وبعد الجرعه العلاجيه دي تشتغل علي رفع المناعه ومضادء السموم 6 ساعات و6 ساعات وهيبقي عندك 12ساعه دي هندي فيها دواء علي حسب حاله القطيع لو الأمور مستقره بنديها ميه بيضاء وربنا يتدخل ويمد أيده بالشفاء وأسف علي تأخيري في الرد علي حضرتك..
----------------------
أ/ رضا بعد التحيه أولا أنا بشكر حضرتك جداااا لأنضمامك معا في أجمل منتدي منتدي مارجرجس بالسنطه ثانيا أنا مش دكتور ولا حاجه أنا أن كنت بشتغل بشتغل بالخبره أحنا بنشتغل في تربيه الدواجن منذ 15 عام لكن أنا شخصيا بقالي 6 سنوات والحمد لله مع العلم أني في بدايه المشوار أتخبطت كتير وخسرت مبالغ كثيره جدااااااا ولكن الحمد لله علي كل شئ وفعلا محدش بيتعلم ببلاش
ثانيا بالنسبه لسؤال حضرتك...
القطيع مابتحقنش تاني يوم إلا في حاله الضروره القصوي جداااااا في حاله القطيع وعلي فكره كتر المضادات الحيويه بيدمر مناعه الفرحه هي المسأله مش كتر أدويه وبس هو بتحقن علي عمر 7 أيام حقنه الأنفلونزا ممكن تديها 3/10 أو 5/10 ثانيا بالنسسبه الأمصال بن أو مصل هو حقنه الأنفلونزا علي عمر 7 أيام ثاني مصل نه الزيتي اللي هي حقنه ضد النيوكاسل من عمر 14 يوم :16 يوم أي يوم من العمر دا أما بالنسبه للمضادات الحيويه بن فهي كتير وغالبا في كل الأوقات بتعطي صنفين أو ثلاثه مع بعض عن طريق مزجهم وبتعطي علي حسب وزن الفرخه وأجمالي وزن القطيع كله داخل العنبر ومن المضادات الحيويه بن (( ستربتومايسين : سيفوتاكسيم: جنتامايسين: لينكومايسين: لينكوسبكتين: سبكتام: .. وكثير ولكن دي هتلاقيها لكن بأسم أخر علي حسب أسم الشركه لكن الماده الفعاله بتبقي من الأصناف دي ...*))) وشكراااااااااا لسؤال حضرتك

أمـــــــــا بالنسبه للأخت ربنا قادر ياريت نعمل صفحه أستشارات وهديكي نسبه من كل روشته....ههههههههههههههههههههههههههه


نرجع للأستاذ خالد أأأأأأأأأأأأأأأأأأأأأأألف مبروك أن الدوره عدت علي خير وعقبال كل دوره
أما بالنسبه للكوكسيديا والكلوسترديا دي ليها طريقه علاج وعلي فكره هي الكوكسيديا مبيتقضاش عليها نهائي لكن الدوا بيقللها فقط ومن أهم عنصر اللي بيجيبها هي الأرضيه لو مش تمام خصوصا لو فيها ليونه ورائحه وخد بالك لو في يوم هتشيل الأرضيه اليوم اللي هتشيلها في يفضل أن تدي مضاد سموم ومطهرات معويه لأن الأرضيه لما بتتشال بتنشط البكتريا اللي موجوده فيها مما يؤدي لأصابه لقطيع بالسموم عن طريق الهواء وممكن تعمل عندك مرض الكوريزا اللي هو ورم الوش ولو برضوا الأرضيه وحشه بتعمل ورم في الوش وياريت متتطلعش كلها في يوم واحد فالكوكسيديا بتتعالج أزاي هقول لحضرتك
الكوكسيديا مبتظهرش في العنبر إلا بعد عمر 15 يوم فحضرتك ممكن بعد المصل الجامبورا 1 اللي هو علي عمر 12 يوم تبدأ من عمر 13 يوم بجرعه ثلاث أيام 12 ساعه (( أمبروليم+ سلفاديمادين صوديوم 33.5/+ف ك3)) بعدها 6 ساعات غسيل كلي عشان السلفا بتدمر الكلي لو محطتتش غسيل بعدها أو عطيت منها جرعه ذياده بعد الجرعه دي هتدي يوم بالكامل ميه بيضا بعد كده تمصل لاسوتا وبعد كده علي عمر 27 يوم بعد مصل الكولونا تدي جرعه تاني ثلاث ايام وأوعي تكرر الجرعه بنفس الدوا في كل مرض مش بس الكوكسيديا ممكن بعد كده تدي دوا فيه ((ديافردين + أمبرول+ ك3 )) وبعد كده تنسي الكوكسيديا أما بالنسبه للكولسترديا دي علاجها ألأرضيه تبقي تمام وتاني حاجه وانت بتدي مضاد سموم تركز علي المضادات اللي بتشتغل برضوا علي الكلوسترديا ولو ظهرت الكلوسترديا كمرض مباشر في العنبر تبقي حضرتك تدي 3 أيام دوا أسمه متروكول أو أتو لينك وبعد كده تنساها ولكن الدوا مش هايجيب نتيجه لو الأرضيه مش متظبطه وربنا يسترها وبجد شكرااااااااااااااااا جدااااااااااااااااااااااا ليكم ومعلش أنا حصرت الأسئله كلها في رد واحد عشان عندي النت ضعيف جداا وبجد شكراااااااااااااا ليكم كلكم... ربنا يباركم
----------------------
العفو يا أ/ فوزي أحنا كلنا أخوات أما بالنسبه للتعقيم هو بيمر بمراحل متتاليه وعلي فكره التعقيم السليم بيريحك جداااا في الدوره اللي بعدها وهقول لحضرتك علي طريقه تعقيمي أنا شخصيا
1- بعد شيل الأرضيه وهحكها كويس وكنسها جيداااااااا
2- بيغسل السقف أولا ثانيا الشبابيك بمياه بيضا عاديه
3-تغسل الأرضيه بمياه عاديه بعد كده بمسحوق غسيل عادي عشان فيه ماده كاويه وبيطاس
4-يعاد غسيل السقف والشبابيك والأرضيه بفنيك+ يود
5- تغسل المساقي والعلفات والدفايات خارج العنبر بمسحوق غسيل أولا ثم بفنيك ويود ثم شطفها بمياه عاديه
6- ممكن تجيب جير حي وبعد طفيه داخل العنبر وتذويبه بالمياه في برميل خاص تصبه علي الارضيه وجوانب الحيطان وعلي فكره الجير دا براحتك بس هو ذياده حرص
7- قبل نزول الكتاكيت ب 48 ساعه تقفل الشبابيك وحضرتك بقي عايز تعقم بفرمالين ماشي أنا شخصيا بمستعملوش عايز تعقم ب dh4 ماشي عندك أنواع كتير للتعقيم تختار حضرتك زي ماتحب أو اللي شايفه أحسن
8- بعد كده تهوي العنبر وتجهزه لأستقبال الكتاكيت وقبل نزول الكتاكيت بحوالي مثلا 6 أو 7 ساعات تشغل الدفايات وتحاول تخلي درجه اره 40 عشان جوانب الحيطان السفليه بتبقي ساقعه وزي حضرتك عارف أحيانا الكتاكيت بتتجمع جنب الحيطان في بدايه نزولها للعنبر ولو الحيطان تحت ساقعه دي ممكن تضرها وتجيبلها التهاب رئوي وبرضوا اره العاليه أحسن تعقيم بس أوعي تنسي حضرتك وتنزل الكتاكيت في درجه اره دي لأ قبل وصولها بساعه أو ساعتين تكون مظبط درجه اره المناسبه وربنا معاك وينور طريقك... شكراااااااا أخيك/ روماني عادل
-----------------------------------
محدش لاقي حل لل أي بي مفيش حاجه نافعه معاه لامصل ولا الجو الحار وهو اساسا المفروض بيتقتل في الصيف بس تقريبا المرض أتحور وبقي صيفي والأمصال أساسا الموجوده بتاعه العطره القديمه الموجوده من زمان وأغلبيته بيبقي مذدوج ( أي بي + نيوكاسل ) وبتقلب في الأخر بواحده من الأتنين ومحدش من المسئولين مهتم بحاجه وربنا يستر علي الصناعه دي
-----------------------
, 01:57 AM
مساء النور أ/ مينا
البرنامج التحصيني الحديث بعد أنتشار فيرس (( الأي بي ))
1- تحصين الهتشنر ( لوهمان أو أنترفيت) عند عمر 6 أيام
2- تحصين الجامبورو ( فورت لوهمان ) فقط عند عمر 15 يوم
3- تحصين كولون أي بي عند عمر 18 يوم
4- في حاله الأماكن شديده الوباء بفيروسي الأنفلونزا أو النيوكاسل يرجي تحصين القطيع بحقنه أنفلونزا وزيتي نيوكاسل مشترك شركه أنترفيت أو أنتر كوفا عند عمر 13 يوم عضل

دا يا أ/ مينا البرنامج التحصيني أما عن أسماء الأدويه فهي عديده جدا جدا وصعب جدا حصرها وليست كل الأدويه الموجوده بألأسواق تستخدم طبعا وهي تختصر في مضادات حيويه تنفسيه ومضادات حيويه معويه ومضادات كوكسيديا وكلوسترديا ومضادات سموم فطريه وفيتامينات طبعا وأملاح معدنيه وربنا معاك وتحت أمرك
---------------------------
أنا أسف علي التأخير أخ مينا صدقيني من أخر مره مدخلتش المنتدي
وبعدين ياسيدي انا مش دكتور انا مجرد مربي عادي
وبص ياسيدي بالنسبه للبلدي البياض أنا ماليش فيه خبره أوي عشان مشتغلتش فيه بس اللي أعرفه عنه أنك المفروض تنزل كميه كبيره وبتبيع منها علي مراحل عشان تنقي القطيع يعني بالبلدي كدا اللي يفضل عندك أجود فراخ في القطيع عشان تعطيك أنتاجيه أفضل أما بالنسبه لنهش الريش فأنت حاول تظبط ملح العلف وبعدين أنت بتقول بياض وعلف الوادي دا تسمين مع انه تحويله سريع لانتاج التسمين الا انه سمومه الفطريه كتير
وبعدين لو أنت بتشتكي من البلدي عشان مشاكله فالأبيض مشاكله أضعاف بالنسبه للأمراض
أولا بالنسبه لموضوع في بدروم البيت دا تنساه عشان مش هاينفع اصلا لسببين
1- التهويه مش هتبقي مظبوطه نهائي
2- انت كدا هتبقي متعرض لاي عدوه مرض من أي طيور مجاوره لازم تكون في مكان بعيد عن المنازل لان الدجاج الابيض مناعته اعتبرها مش موجوده يعني سريع الاصابه باي حاجه
• 120 متر مربع تكفي ل 1000 طائر
• اما بالنسبه للامراض والتحصينات التحصينات انا قولتهالك هي اتغيرت بعد ظهور فيرس الاي بي بشراسه زي ماقولتهالك قبل كدا
• اما الامراض المعروفه هي
• امراض الجهاز التنفسي اشهرها الالتهاب الرئوي وادويه الامراض التنفسيه مهما اتغيرت في اسم المنتج بتبقي الماده الفعاله هي ( السيبروفلوكساسين أو الانروفلوكساسين او الدوكسي او الاوكسي او الاموكسي تتراسيكلين او الامبسلين او السيفوتاكسيم او مشتقات الفلورامفنيكول وهتلاقي كتير تاني بس دي اشهر الادويه التفسيه واللي نتيجتها جيده
• اما الامراض المعويه اشهرها
( الاسهالات طبعا و الاي كولاي ) ودي أدويتها بتبقي زي ( الكوليستين او الاستربتومايسين حقن والنيومايسين .... وغيرها
( الكوكسيديا والكلوسترديا ) ودي اشهر علاجها ( الأمبروليم + ف ك3 ) اما الكلوسترديا لها مضادات خاصه اشهر الكيبرو اسيدول أب وممكن بيتضاف معاه كبريتات نحاس وهتلاقي تاني في السوق طبعا

دي اشهر امراض الدواجن البيضه بجانب طبعا السموم الفطريه
أما الفيتامينات بتاخدها كلها وهي ( ف أ د3+ف ه سلينيوم + ف ب ك كولين + ف ك3 + ف سي في حالات الاجهاد اري) والاملاح المعدنيه
وأدويه رفع المناعه اللي عباره برضوا عن كوكتيل فيتامينات
وصدقني اللي يقولك هعطيك برنامج ثابت تمشي عليه يبقي بيخدعك كل دوره وليها ظروفها أنت بتتعامل معاها علي حسب اللي بيظهر قدامك هي الثابت في البرنامج الدوائي هي التحصينات اما الامراض الاخري انت ونصيبك بقي وبرضوا من مشاكل الدواجن البيضه انها ممكن تتصاب باكثر من مرض في ان واحد فنصيحه مني ليك لو هتبدا في المشروع دا دور علي الخبره مع أي شريك يكون عنده خبره في المجال دا وانت مع الوقت هتتعلم كل شئ لان الدواجن البيضه خسائرها احيانا كثيره وسريعه
وربنا معاك ويوفقك ويارب أكون أفادتك
وأنا تحت أمرك
-----------------------------

---------------------------