طريقة كبس الجبنة البيضاء +صنع اللبنة وطريقة حفظهم مده طويلة

كيفكم يا حلوين ......

انا من فترة جبت جبنة وكبستها في شهر 2 في فترة موسمها بس طبعا خلصت

وبما اني ما بخليها من بيتي من اسبوع تقريبا جبت 10 كيلو جبنه بيضاء مرة تانيه وقلت بدي اكبسهم واطلعكم هالطريقه

**بس ياريت يا بنات ترفعوا الموضوع باضافه االتقييم **

نبدا على بركة الله ...

اولا تجيبي كميه ملح كبيرة وتبدي تضعي كل قرص جبنة وتغمسيه بالملح عالجهتين ..



وطبعا تستمري لحد ماتنتهي كل الكميه..







وطبعا تضعي الكميه في مصفاه لحتى تزل من الجبنه المي بما انها مغموسه بالملح..



وقسمت الكميه لانها كبيرة وكل قسم على مصفاة وتحتهم وعاء حتى تزل المي فيه من الجبنه ..



وتتركيهم مده يوم _ 3 ايام مكبوسين بالملح ...
ملاحظه :
يعتمد ترك الجبنة بالملح حسب جودة الجبنة انا تركتها يوم واحد فقط
لانه نوعيه الجبنه كانت متماسكة ونسبه الماء بالقرص قليله
اذا كانت الجبنة فيها نسبه مياة وطريه وتفتت معك لما تقكعيها زودي فترة كبسها بالملح ل3 ايام..

بعد مرور يوم على كبسهم كانو متل الحجر والملح متكتل عليهم
زي بالصورة..



قطعي اقراص الجبنه انصاف



وممكن ارباع ....( زي ما تحبي )



طريقه الغلي ..
جيبي مستكة ومحلب ..



وتضعيهم في قطعه قماش بيضا صغيرة وتربطيهم بهالشكل ..



وتجيبي طنجرة كبيرة وتحطي فيها ماء ونسبه ملح كبيرة يعني لحد ما تكون المي لاذعه وتضعي فيها صرة المستكرة والمحلب..

وتركيهم يغلوا...



ولما تغلي المي حطي كميات باقسام من الجبنة
واتركي الجبنة تغلي في الماء مده دقيقه او دقيقه ونصف






وتتركيهم لحد ما يبردوا تماما .. وحتى ماء الجبنه الي غلينا فيها الجبنة لاترميها
طبعا اوعي لانه فيها راح نخلل الجبنة

حطي الجبنة في اناء خاص بالحفظ بس لما تبرد واسكبي الماء بتاع الجبنه
فيها بس لازززززززززززززم تكون باردة

اذا كانت فاترة او فيها سخونه كل الجبنه راح تخرب وتحمض وكله عالفاضي اوعي ..

وهنا لما حطيتهم بالتنكه الخاصه فيهم ..

وعلى الوجه حطي زيت زيتون لحفظه من تكون طبقه بيضاء على الوجه ولحمايتها من العفن
ولتضل فترة اطول..




وهنا مرتبان الجبنه الي عملتها ارباع .. طبعا هاد مرتبان صغير بيضل على المجلى للاستعمال للفطور





صورة جماعيه لكل الكميه ..




وهنا بكون خلصنا والجبنة جاهزة للاكل ..
فقط اغليها وبعدين استعمليها حتى تكون اقل ملوحة..





طريــــــقة صنع اللبنة وحفظها مده طويلة ..

اولا تجيبي لبن بالكميه الي تحبيها انا طبعا بعمل بكمية وسط كل فترة قريب ال 4 مرتبانات

لانه اولادي بيحبو ياكلوها ساندويش وانا بحب اعملهم اياها بالبيت احسن واضمن..

وكويسه للاولاد في المدرسه ..

ماعلينا بدون كترة كلام ..
خلينا بالاهم ..

تربطي كميه اللبن في كيس قطني او ممكن في بلوزة قطن وتجمعيها من كل الاطراف
وتسبيها لحد ما تزل منها المي .. بس لاتطولي عليها فترة يوم بالاقصى يومين

حتى ما تكون ناشفه اللبنة ..





ودي الكميه على فكرة انا عملت الكميه الكبيرة بس خليت شويه عشان تشوفو




وطبعا تكوريها تحطي شويه زيت على ايدك وتعملي كور




وهنا لما خلصت تكوير..


ملاحظه :

اذا لاحظتي انه اللبنه فيها طراوة سيبيها يوم تتنشف بدون ما تغطيها

واذا كانت ممتازة ما بتحتاجي لهذه الخطوة ...


انا ما اضفت على اللبنة شطه او زعتر لانه اولاجدي همه الي بياكلوا منها اكتر

لكن ممكن تضيفي اي نكهه تحبيها عليها ..


تجيبي مرتبانات نظيفة وتحطي بالقاع شويه زيت وتسقطي الكرات ..




وهنا بعد ما اتملى المرتبان كرات اللبنه وحطيت زيت زيتون وغمرته ..



وهنا لما خلصت ..




وهنا عند التقديم انا بحط عليها نعناع ناشف