السلام عليكم ورحمة الله وبركاته
نبدا اليوم علي بركة اللهالكثير من البنات اهم شئ تحتاجه عندما تنشئ بيت وخصوصا اللي ماكنتش بتدخل كتير المطبخ وتساعد ماما او حتي تتفرج علي ماما من بعيد لبعيد علي ماما أو تيتا وهي بتطبخ وتستفيد بمعلومة يمكن تنفعها وهي تبدأ اولي خطوات البيت السعيد
عقبال كل البنات كدة لما تبقي صاحبة بيت وتكون اسرة وتبدا تهتم باسرتها وطبعا تواجه تحديات
اولها ان يكون ليكي ذوق خاص في اكلك وطريقة تقديمه وازاي تخليه شهي ومميز
تاني حاجة ان يكون الزوج متعود او بيحب اكل مامته او ان يكون اكلها مميز وفعلا شهي بشهادة منك شخصيا حتي لو بينك وبين نفسك وفي الحالة دي لازم يكون اكلك مميز وشهي وفي نفس الجودة او ياريت احلي شوية
ثالثا من التحديات التي قد تواجهك الحما اللي لايعجبها العجب ودا بقي لازم لازم يكون اكلك مميز مالهاش غير الحل ده مع احترامي طبعا للحموات الطيبين اللي بيعاملو زوجة ابنهم زي بنتهم تمام لانها فعلا بتكون ام وربنا يجازيها خير لانها بتساعد مرات ابنها علي حب الاسرة والاندماج السريع فيها وماتخافوش ياجماعة الام الطيبة الحنونة موجودة واللي بتكون حماتها كدة تبقي معهاش حما لانها هتبقي امها وحنونة عليها
رابعا العريس ياجماعة الزوج اللي بيحب التغيير وبيحب انواع مختلفة من الاكل اي الزوج الزواق
المهم ياجماعة كل ده مش مشكلة معانا انتي ممكن تتعلمي وتطلعي اكل احلي من اكل ماما وطنط وحماتك وكمان احلي من اكل المطاعم وان شاء الله سوف اضع لكم في هذا البلوج الاكلات المجربة والاطباق الشهية التي اعجبتني و مظبوطة وكمان نصائح واكلات مجربة من الكشكول الشخصي لزميلتي مدرسة الاقتصاد المنزلي وهي اكلات كلها مجربة ومضبوطة كل ده هنقدمه في
مبروك مقدما علي البيت السعيد
ردحذف