مقادير بسكويت العجوة وبسكويت الملبن // 💛💗💕
375 جم دقيق ، 200 جم زبدة ، 100 جم سكر بودرة ، 1 بيضة ، 50 جم لبن ،6 جم بيكينج بودر ، كيس فانيليا
الحشو //
ملبن ، عجوة
طريقة العمل // 👀
في اناء نضع الزبدة وتكون ساقعة مع السكر البودرة ونضربهم جيدا حتي تهيش وتتضاعف وتصبح مائلة للون الابيض
نضيف البيضة وتكون بحرارة الغرفة لان لو اتحطت وهي ساقعة هتفصل الزبدة
ونضرب الخليط ثم نضيف اللبن والدقيق بالتبادل وعايزين العجينة هنا يكون فيها مطة خفيفة
ثم نغطي العجينة ونسيبها تريح شوية
نعمل رول ملبن و نقطعه قطع متساوية قدر الامكان
ونعملل رول عجوة و نقطعه قطع متساوية قدر الامكان
ونعمل رول من العجينة بعد ما ترتاح ونقطعها قطع متساوية قدر الامكان و ناخد قطعة و نفردها بايدينا طبقة رقيقة ونحشي
الملبن ونكورها ونحطها في الصاج ونضغط عليه خفيف بشوكة وندهنها بيض ورشة سمسم او سكر حسب الرغبة
وبنفس الطريقة نحشي العجوة
التسوية //💥💥
نسخن الفرن علي درجة حرارة من 150 الي 160 درجة ونتركها تستوي من 20 الي 25 دقيقة
ملحوظة هامة ///💘
لازم الزبدة تهيش مع السكر البودرة
لازم البيضة تكون بحرارة الغرفة حتي لاتفصل الزبدة في العجينة
لازم العجينة تكون رقيقة علشان الحشوة تحتفظ بطراوتها لما تدخل الفرن
لازم العجينة تكون فيها ماطة خفيفة علشان الحشوة ما تخرجش من العجينة
ليست هناك تعليقات:
إرسال تعليق