ملحوظات مهمة جدا قبل عمل التومية 1- يجب ان تستخدمى الخلاط (الكيتشن ماشين )لانها عايزة ضرب جامد ومستمر
2- لازم تفصلى الصفار عن البياض كويس
3- لازم لازم لازم يكون البيض بنفس درجة حرارة الزيت بمعنى اذا كان البيض محطوط فى الثلاجة يبقى تحطى الزيت زيه فى الثلاجة قبل عمل التومية علشان ماتفصلش منك
4- لازم عند وضع المقادير فى الاول يكون لمدة 10 ثوانى بس اى تعدى من 1 ل 10
5- ما تطفيش الخلاط خالص طول ما احنا شغالين فى العمل و بنفس القوة و السرعة
6- اذا عملتى الثومية بالبياض لوحدة خلاص
7- لكن اذا عملتى التومية بالصفار لوحدة تتبعى نفس الطريقة هى هى لكن بعد ما تخلصى لتر الزيت فى الاخر وقبل ما تطفى الخلاط تضيفى على التومية معلقة كبيرة زبادى بلدى عشان يبقى لونها ابيض مش اصفر
8- اذا كنتى عايزة كمية حلوة نعمل التومية بالصفار لوحدة و بعد ما تخلصيها و تشيليها نعمل تومية بالبياض لوحدة و بعدين تحطى الكمية دى على الكمية التانية و تخلطيهم مع بعض و بالهنا و الشفا

التومية
5 بيضات
زرة ملح
معلقة اكل زيت زرة
2 فص ثوم بلدى
1/2 ليمونة كبيرة او ليمونة صغيرة
1 لتر زيت زرة
الطريقة:
1- نفصل الصفار عن البياض تماما
2- نضع فى الخلاط البياض + زرة الملح + معلقة الزيت + فصين الثوم + نص الليمونة
3- شغلى الخلاط على اسرع درجة و عدى 1-2-3-4-5-6 -7-8-9-10
4- والخلاط شغال زى ماهو وعلى نفس الدرجة العالية ابتدى نزلى لتر الزيت على هيئة سرسوب رفيع برفع الفتلة وما يتقطعش لحد ما تخلصى الزيت كلة وتلاقى التومية مسكت
5- ملحوظة : ارجو قراءة الملحوظات كويس جدا قبل البدء فى العمل
الزيت لازم يكون زيت زرة مش زيت زيتون

وهذه طريقة أخرى أعتقد أنها أسهل

المقادير:


خمس فصوص ثوم كبيرة
4 ملاعق كبيرة زيت زيتون
3 نقاط ليمون حامض
3 ملاعق نشا
ثلاثة أرباع الكوب ماء




الطريقة:

يذاب النشا في الماء جيدا ثم يوضع في قدر على النار الخفيفة ويحرك المزيج حتى يتكاثف ويغلي مدة 3 دقائق
ترفع القدر عن النار ويترك المزيج ليبرد
يدق الثوم والملح جيدا
يوضع النشا المطبوخ مع الثوم وعصير الليمون في الخلاط ويطحن
أثناء خفق المزيج يضاف زيت الزيتون إلى خليط الثوم والنشا بالتدريج
يخفق المزيج حتى ينعم وينتفخ حتى يصبح مثل الكريم


تصب صلصة الثوم في طبق وتقدم مع اللحم والدجاج المشوي


وبالعافية......

--------------------------------------

التومية التمام

التومية سهلة خالص


بنجيب كوباية زبادي

(نسلة مثلا)



و نحط عليه معلقتين كبار مايونيز

(من اللي لسة عملينه طبعا)



و عليهم ملعقة صغيرة مستردة





و فصين توم مهروسين عليهم ملح و كمون

و نقلب كويس مع بعض



و في الاخر خالص

نحط ملعقة زيت زيتون

و نقلب


بس خلاص



طعمها فعلا مش معقول



و الله كل اللي داقها فعلا اعجب بيها اوييي

----------

السلام عليكم اخواتى الفتوكات
يارب تكونوا بخير انتم و كل اللى بتحبوهم

جايبالكم اكلة بجد روعة روعة ملهاش حل ..يمكن مش كتير بيعملوها
بس لو جربتوها حتندمتوها زى حلاتى

فتة الشاورمة و هى بتتعمل بالفراخ او باللحمة ..اناعملتها بالفراخ
يللا على المطبخ..

1- الاول حتجيبى عيش لبنانى و تقطعيه لقطع متوسطة و تحمصيه فى سمنة على زيت
و ترصيه فى صينية التقديم (معلش مصورتش دى)

2- تجيبى 6 الى 7 فصوص توم مفرومين و تشوحيهم فى زيت على سمنة لحد مايصفورا و تقومى نزلة عليهم ب 3 ملاعق كبار خل
تقلبى تقليبة و تتحطى شوربة فراخ او 2 كوب مية مع مكعب مرقة دجاج و تظبطى الملح و حيبقى دى شكلها


تحطى كبشتين من الخلطة دى على العيش المحمص
-تحطى فوق العيش المسقى الشاورمة ..

*بس انا محطتش دبس رمان لانه مش عندى
و لا مايونيز و لا طحينة عشان مكنتش حعملها ساندوتشات



و بعد الفراخ حنحط رز مطبوخ عادى بس تحطيله كركم حوالى نص ملعقة صغيرة على كوب الرز
و تسويه عادى و لو عندك مرقة دجاج حطى مكعب
و ترصى الرز فوق الفراخ و تسقيها بخلطة الخل و التوم بس تطرى الرز يعنى ميبقاش شوربة
و دى شكله


و طالما قلنا فتة شاورما يبقى لازم تومية


و دى الاكله على بعضها



و دة طبق شوفوا فيه الطبقات حلوة ازاى

ماشاء الله لا قوة الا بالله

---