الحنيني

الحنيني يحتوي على سعرات حراريه عاليه
فهو مصدر كبير للطاقه وحلاته باايام الشتاء وصباحاته البارده ..
دورت عن طريقته ولقيت طريقتين ونقلتها كلها وكلاً يختار الانسب
والاسهل له..
واللي يعرف طريقه غير ياليت يقولنا عنها ..
وبااذن الله راح اصور طريقتنا وانزل الصور بس متى ..؟! الله أعلم



الطريقه الاولى ..
هذي المقادير نصف الجيك حليب
وحطي عليه بيضه
ملح ملعقه (ص)
ملعقه ص باكنق بودر
سكر << والسكر ملعقه كبيره
دقيق اسمر

وبعدين اخلطي الحليب البيض السكر وحطي عليه اربع مغارف دقيق بر
وخليه ينخلط مضبوط..



وهذي هي شكلها ...

بعد كذا نسويها على الصاجه دوائر [ مراصيع ]خليها كبيره اسهل واسرع



بعدين حطي بكل خبزه تمره وحده بس ولفيهاعلشان تفرميهم
مع بعض والتمر حطي نصف الصحن ..



وتبدي تفرميه بفرامة اللحم .!




حطي بقدر نصف اصبع زبده او سمنه انتي وذوقك ..

واذا ذابت الزبده حطي الحنيني وخليه شوي يتشرب الزبده
ان حبيتي تضيفي حبه سوداء ومنكهات كالفلفل والزنجبيل
والهيل هالشئ يرجع لذوقك الشخصي وذوق اسرتك..



قدميه مع القهوه البعض يحب يغمسه على لبنه او زبادي
والبعض يفضل ياكله على طبيعته بدون اضافات



هنا بالسمنه

وياعساه بالعافيه

الطريقه الثانيه
اولا جهزي كيكه من دقيق البر وهي عباره عن
كاس دقيق بر
ملعقه بكنج باودر
2بيضه
كاس ماء
بيالة زيت
رشة ملح
فنجال سكر




بعد ذلك ادخليه للفرن حتى النضج

في وقت ادخاله للفرن جهزي التمراي نوع من التمر بان تخرجي منه النوى

اخرجي الكيك من الفرن وقطعيه تقطيع عشوائي

افرمي بالتناوب الكيك والتمر مع اضافه زبده مذوبه كل فتره



افركيه الى قطع صغيره جدا وسخنيه ثم قدميه بالعافيه