النهارده جايبلكم وصفه سهله وبسيطه وتعتبر اقرب طريقه لعمل الجبنه المونزريلا فى البيت
الصور دي من مطبخى ياقمرات
اولا عاوزين نصف كليو جبنه الطيب وليه بقا الطيب لانها ماسكه بعضها يعنى حته واحده شبه البلاستك كده اكيد فى انواع تانيه مشابهه بس ده النوع اللى اعرفه
هنغلى ميه على النار مش لازم تغلى المهم نسخنها كويس اوي ونحطها على الجبنه وهى فى طبق غويط ونفضل نقلب فيها كويس
نفضل نعمل كده حوالى من خمس لعشر دقائق وبعدين نطلع الجبنه من الميه السخنه نحطها فى ميه بارده قوي والخطوه دي بتساعد على تماسك الجبنه اكتر والتغير من خواصها
بعد خمس دقائق كده بعد تقليب الجبنه كويس فى الميه البارده نطلعها وننشفها كويس ونجيب المبشره ونبشرها
ونحطها فى التلاجه ترتاح شويه وتتماسك وبعدين نعبيها وندخلها الفريزر بعد ما نفككها بايدينا
ملاحظات
احنا هنا طبعا عملنا ايه علشان معندناش منفحه استخدمنا جبنه تحتوي فى تكوينها على المنفحه واقرب انواع الجبنه فى الخواص للجبنه المونزريلا
والهدف من التسخين والتبريدهو اننا بنحاول تحسين الخواص بتاعت الجبنه بتبقى متماسكه اكتر وسهله التعامل
يسلمو
ردحذفممتاز
ردحذفبالهنا
ردحذفيسلمو
ردحذف