خمس طرق للبصارة بالصور خطوة بخطوة وكل واحد يختار الطريقة اللي تعجبو

الطريقة الاولي للبصارة

البصارة بالصور خطوة بخطوة

الطبق دا بجد يابنات طعمه ملوش حل جربيه ومش هتندمى أبداااااااا ... لو أكلتى لقمة مش هتقومى غير لما تخلصى الطبق .. يللا ندخل ع المطبخ ونحضر أطعم طبق لأطعم فتوكات

المقادير:
1/2 كيلو فول مدشوش ـ ماء لسلق الفول ـ 4 ملاعق كبيرة ملوخية ناشفة منخولة وناعمة ـ ملح ـ فلفل (البهارات ال بتستخدميها) ـ 5ملاعق كبيرة زيت زيتون ( وممكن زيت نباتى زى ماتحبى) ـ بقدونس و كسبرة خضرا ( للتزيين) ـ بصلتين كبار مقطعين ناعم 

 

الطريقة :
1. نغسل الفول كويس

2. نحطه عليه مياه ورشة ملح ونسيبه على النار يتسلق

3. لما المياه تغلى نوطى النار عليه علشان المياه متنشفش من غير ما الفول يستوى

4. وكل ما المياه تغلى بنشيل الريم الأبيض ال ع الوش

5. لما الفول يستوى خالص نفرغه فى وعاء تانى ونسيبه يبرد علشان الخلاط ميجرالوش حاجة

6. بعد كده بنخلطه فى الخلاط بدون إضافة مياه لحد ما يبأى ناعم ( نشغل الخلاط على فترات قصيرة .. مش بياخد وقت) بيكون ناعم زى الكريمة

7. نفرغه فى حلة على النار ولما يسخن بنوطى النار علشان ميلزقش فى الحلة ونضيف عليه الزيت و البهارات ( الفلفل والكسبرة الناشفة) ونقلب باستمرار

8. نضيف الملوخية النشفة ( أنا عارفه ان فيه ناس كتير بتعمل البصارة بالشبت والبقدونس بس بجد بالملوخية حاجة تانية .. طعمه جميل ومفيد كمان)

9. نقلب دقيقتين ولو لقينا الخليط بأى تقيل أوى نضيف شوية مياه بس مش كتير ( يعنى بالملعقة كده وتقلبى لحد ماتوصلى للقوام ال انتى عاوزاه).

10. دلوقتى بأه تظبطى الملح ولو كانت محتاجة ملح تضيفى.

11. نصب البصارة فى الأطباق ونضيف بالملعقة شوية زيت زيتون على وش كل طبق ( بس مش كتير ).

12. نحمر البصل ونرشه على وش الطبق .. ولو عندك كسبرة خضرا وبقدونس طازة تقطعيه ناعم وترشيه ع الوش بيكون خطيييييييير.

ودى صورة للبصارة قبل ما نقضى عليها

شوفوا النصف كيلو فول عمل كمية أد ايه .. 4 أطباق

أنا حطيتها فى أطباق مختلفة علشان ( هبعت طبق لأختى وطبق لمرات أخويا ) علشان العيال تتعشى

ودى صور البصارة قبل ما نقضى عليها

ودى صورة قريبة ولو ان الصور مش بتنقل حلاوة الطعم

ياسلام بأه يابنات على طبق السلطة جنب البصارة ورغيفين عيش ناشف هيبأى أحلى عشا

وعلى رأى ال قال حبيبك اللى تحبه أكله بصارة وان زعل منك طرى على قلبه بخياره

وآآآآآآآآآآآآآآآآآآآآآآدى الخيارة علشان محدش يزعل
هههههههههههه

أهو مش مخلية نفسكوا فى حاجة

 

---------------------------------------------------- 

الطريقة الثانية للبصارة

نصف ك فول مدشوش
حزمة شبت
وحزمة كسبرة
وحزمة بقدونس
3 بصلات
نصف راس توم
2مكعب مرقة دجاج
الطريقة
تضعى الفول المغسول كويس فى الحلة ثم ضعيه على النار حتى يغلى
ثم تشيلى الريمة حتى تنتهى
ثم تضعى الخضرة والبصل والتوم والمرقة
وتتركى الخليط حتى يستوى
ثم تشيله من على النار ثم تضربى الخليط بالهاند بلاندر حتى ينعم
معندكيش اضربى الخليط فى الخلاط
ثم ضعيه فى الحلة مرة اخرى
وضعى عليه كمون وشطة وكسبرة ناعمة وملح وفلفل
بس انا بضع عليه (نصف ملعقة بودرة توم وبصل)
وده السر بتاعى وعوضى على الله
ثم تحمرى التوم والبصلة والكسبرة الناعمة
وتضعيه على الخليط السابق وتتركيه حتى يغلى ثم يصب فى الاطباق
وتكونى محمرة بصل مثل بصل الكشرى وتجميلى وش الطبق بالبصل المحمر والليمون
وبالف هنا وشفا

 -------------------------
الطريقة الثالثة للبصارة









طبق كله فوائد لاحتوائه على الخضار الملئ بالفيتامينات والفول المحتوى على البروتين النباتى(اوفر وصحى اكثر من البروتين الحيوانى)




المقادير والطريقة:


**انقع 0.5 كيلو فول مدشوش فى ماء عادى لمدة 1 ساعة او اكثر














**يغسل جيدا ويصفى من ماء النقع وتضاف له 2 ربطة خضرة مشكلة(شبت+بقدونس+كزبرة+كرات) وبصلة كبيرة مقطعة و5 فص ثوم (يمكن اضافة بصل اخضر) ويغطى بالماء ويرفع على النار حتى يغلى ثم يترك ليسلق جيدا على نار هادئة














**يضرب جيدا فى الخلاط حتى ينعم






**يرفع على النار مرة اخرى وتضاف له البهارات والملح والفلفل الاسود والكمون والشطة حسب الرغبة






**يقطع بصل مكعبات او جوانح ويقلب فى الزيت على النار حتى يصبح لونه بنى غامق ويرفع على ورق ماص ليصبح مقرمش(لتزيين الوجه اساسى بس ممكن الاستغناء عنه اذا لم تحبيه)








**يشوح ثوم مفروم مع كزبرة جافة مطحونة فى الزيت حتى يشقر ويضاف للبصارة ويقلب






**تغرف فى الاطباق ويزين الوجه بالبصل وتترك لتبرد قليلا وتتماسك (يمكن وضعها فى الثلاجة واكلها باردة اممممممممممممممممممم)











**تقدم مع مخلل او بصل اخضر او باذنجان مخلل





وبالهنا والشفا
------------------------------

الطريقة الرابعة للبصـــــارة

المقادير



كوب فول ناشف مقشر
كزبرة خضراء وشبت مغسولين ومقطعين
بصلة حمراء متوسطة
الطريقة
فى حلة نحط الفول ونغطيه بالماء ونرفعه على النار



بعد ما الماء يغلى راح نلاحظ وجود ريم يظهر

نشيله لغاية ما يختفى تماما



ونضيف الكزبرة والشبت والبصلة المقطعة مكعبات



وممكن نضيف كام فص ثوم



ونغطى ونسيبها لغاية الفول ما يستوى



وبعدين ناخدها على الخلاط



وارجعها الحلة واظبط الملح واحطها على النار دقايق تغلى بس واطفى عليها



واجيب ثوم مفروم مع الكزبرة الناشفة واحمره فى السمن



ولما يتحمر بالشكل ده .. احاول اصفى السمن منه بس طبعا مش هارميه


هاضيفه على البصارة



واصبها فى اطباق



وازينها بالثوم المحمر .. وقدمتها مع فطائر الجبنة الشيدر والشبت






--------------------------------

الطريقة الخمامسة للبصارة

المقادير:




أكله شعبيه مصريه...لذيذة و شهيه و مغذيه و مش أى ست تعرف تعملها

جربوها من باب التجديد

أتفضلوا.........


المقادير

نصف كيلو فول مدشوش

2 حزمة بقدونس

2 حزمة كزبره خضراء

2 حزمة شبت

4 بصلات

ثوم مفروم........و 6 فصوص ثوم سليم

بصله كبيره مقطعه قطع كبيرة

كزبرة جافه مطحونة ( من التوابل عند العطار )

ملح و فلفل و كمون مطحون

زيت للتقليه



الطريقة:

-أغسلى الفول و أنقعيه فى ماء لمدة ساعة أو ساعتين
غيرى الماء و ضعى ماء آخر و ضعيه على النار ثم أضيفى البصله الكبيرة و فصوص الثوم السليمه
و النار تكون عالية و من وقت لآخر تقللبى
بعد ما ينضج الفول و شكله يكون تام النضج و الماء يا دوب تكون مش ظاهرة......أضيفى الخضروات السابقة و تكون مغسوله و مقطعه (((((((( بدون أضافه ملح.)))))))))...و أتركيها حتى يقل الماء أكثر
بعد حوالى 10 دقائق أطفى النار و أتركيها تهدأ ثم أضربيها فى الخلاط على دفعات ......
ثم ضعيها فى أناء الطبخ و ضعيها على النار مرة أخرى مع أضافة الملح و الفلفل و (الكمون قليل) و ملعقة كبيرة خل
تغلى قليلا لمدة 5 دقائق ثم أبعديها عن النار

لعمل التقليه......
أضيفى زيت فى طاسه التحمير و الثوم المفروم و البصل المفروم ( فرم خفيف شويه ) مع الكزبرة المطحونه
و ضعيهم على النار مع التقليب حتى يصبح اللون ذهبى
أضيفى نصف التقليه على البصارة و النصف الآخر أحتفظى به لتجميل الأطباق بعد الغرف
ثم قللبى البصارة و أغرفيها فى أطباق التقديم لكل شخص طبق
ثم ضعى فى منتصف الطبق على الوجه قليل من التقليه ....و بالهنا و الشفا

أكله لذييييييييييييذه وبتمنى الكل يجربها