كريمه شيكولاته الكوبايات و اسبونج فانيلياصاج بالصور

 ----------------------
المنيين بالملبن او العجوة
300 جم دقيق
75 مللى زيت
75 جم سمنه
6 جم خميره
3 جم ملح
35 جم سكر
100 مللى ميه 

نضع كل المقادير معا ماعدا الميه وبعدين ننزل بالميه شويه شويه حسب تجانس العجينه ونعجن العجينه حتى تبقى زى الصوره وبتاخد حوالى 3 : 4 دقائق وبعدين ترتاح
وبعدين بنفرد العجينه شريط طويل وفى نفس الوقت نجيب العجوه ونحط لها حته زبده حتى تلين ونعملها رول ونحط رول العجوه فى شريط العجينه ونلفها عليها ونقطع على ابعاد متساويه الشيف هنا قطع بعد كل 3 صوابع حتى تكون القطع متساويه فى الحجم وبعدين ترتاح نص ساعه و
ندهن الوش باصفر بيض ورشه نسكافيه او فانيليا ونرش رشه سمسم وتدخل الفرن على درجه حراره 150 درجه وبتاخد حوالى 20 : 25 دقيقه وبألف هنا
 --------------------------
كريمه شيكولاته الكوبايات

المقادير
نص لتر لبن
2 بيضه
25 جم كاكاو
40 جم نشا
75 جم سكر
فانيليا
50 جم زبده
للتجميل سيجاريت شيكوليت
الطريقه
1 - احط اللبن على النار حتى يغلى وبعدين اضيف السكر
2 - اخلط البيضه مع الكاكاو والنشا معا حتى يتجانس
3 - اخد شويه من اللبن المغلى واحه على خليط البيض وأقلب بسرعه حتى ارفع درجه حراره البيض ويتجانس ثم اضعه على باقى اللبن اللى على النار وأقلب حتى يتماسك واسيبه يهدأ واحط فيه ال 50 جم زبدة واصبه فى الكوبايات
ويجمل بشويه بسيجاريت شيكوليت و مكسرات حسب الرغبه
تركه الشيف احمد
لا نضع السكر على اللبن قبل مايغلى حتى نحافظ عليه حتى لا يقطع ويفسد
نضع شويه لبن مغلى على البيض ونقلب بسرعه حتى نرفع حراره البيض ووتدينا المنتيجه المطلوبه دون ان يصبح مثل الاومليت
وضع الشيكوليت سيجارت والمكسرات على الكوبايات بعد ان تبرد تماما
------------------------
اسبونج فانيلياصاج 30 فى 40 سم
اسبونج بالكاكاو صاج 30 فى 40 سم
مقادير اسبونج سويسرول

4 بيض
12 جم محسن
120 جم سكر
195 جم دقيق
4 جم بيكنج بودر
65 مللى ميه
نضرب البيض مع السكر مع الميه والمحسن ونص الميه ونص كميه الدقيق لغايه ما يتضاعف ويبقى 3 اضعاف الكميه ويتماسك مثل الصوره لما نرفع المضرب يشكل لنها عرف الديك نهدى المضرب ونضع باقى كميه الميه وباقى كميه الدقيق على 3 مراحل ويدوب يتجانس نصبه فى صاج مفروش سيلكون او ورق زبده ويدخل الفرن على حراره 19 :200 درجه وبياخد حوالى 12 : 15 دقيقه
واليوم التانى نقطعه شرائح كل شريحه مثل الصوره
ونضع طبقه من السويسرول الفانيليا وطبقه من السويسرول الكاكاو وكده والجاتوه يكون عادة مكون من 4 طبقات فوق بعض
نحشى كل طبقه بالكريمه الزبدة
وتركه الشيف
نتركه لليوم التانى حتى نحشيه ونشكله
نقشر سطح السويسرول علشان ميعجنش ومش يعمل فاصل بين الطبقات
نحشيه بكريمه زبده علشان تتماسك ونقدر نشكلها على شكل هرم
بعد ما حشينا ونيجى لاهم نقطه اننا نشكله ازاى ونخليه شكل الهرم
نسحب السويسرول على حافه البلانشا مثل الصوره ونثبت السكين على الطرف ونقطع بالورب وناخد الجزء اللى شيلناه ونقلبه- بحيث لما نحطه جنب القطعه التانيه يشكل شكل الهرم ونضع على طبقه من الاسبونج ونلزقه بقطعه كريمه زبده ونضع بين كل واحده كريمه زبده وتدخل الفريزر يتماسك وبعدين نخرجه ونصب عليه الشيكولاته السايحه وندخله تانى الفريزر وبعد ثلث ساعه ويخرج من الفريزر لنقطعه ونضع السكين فى ميه ساخنه حتى يسهل علينا عمليه تقطيعه
تركه الشيف
استخدام طرنش حامى ذات اسنان رفيعه وعلى شكل دائره مثل الصوره حتى تتحكمى فى التقطيع بطريقه صحيحه دون ان يتكسر
--------------------
الصور هنا توضح طريقه عمل الورده على المسمار وشكل البلابل
فى الصوره شكل البلبله اللى بتعمل الورده وبلبه تانيه بتعمل شكل ورقه الشجر

 
 -----------------------

طريقه حشو الاسبونج

3 طبقات من الاسبونج
الكريم شانتيه
مقاديره
ربع كيلو كريم شانتيه بودر بدون سكر
500 مملى ميه مثلجه
200 جم سكر
نضرب كل المقادير معا حتى يتقل ويتماسك ونجيب الديسك الاول على شكل قلب ونسقيه بالشربات الخفيف ونحشى كريم شانتيه ونحط الطبقه التانيه ونسقى سيرب ونحط كريمه - وناخد الكريمه الباقيه نلونها باللون الاحمر ونجلس بيها التورته وندخلها الفريزر تتماسك وتجمد فى الوقت ده نعمل الاتى
الكريم شانتيه الباقى نحط عليه معلقه صغير جيلاتين بودر مذاب
ولو مافيش ممكن كيس الجيلى لجاهز ناخد منها تقريبا معلقتين وندوبهم فى شويه ميه ونضربهم مع الكريم شانتيه ونحطه فى الميكرويف لمده 4 ثوانى ونطلع ونقلبه ثم ندخله تانى حتى يسيح تماما ونطلع التورته من الفريزر ونصب الكريم شانتيه عليه
--------------

 

الايطالين ميرنج
المقادير 4 أبيض بيض
رشه ملح
50 جم سكر
----------------
250 : 275 جم سكر
100 مللى ميه
1- هنحطى السكر والميه على النار وننضف الجدار من السكر
ونقلب لنتأكد من اختلاط السكر مع الميه وبعدين نسيبه لغايه ما يتقل الشربا ت ويبقى درجه حرارته 125 درجه هنعرف ازاى من غير ترمومتر نجيب بوله فيها ميه ساقعه
ونضع معلقه من الشربات ونمسكه بيدينا لو بقى الشربات عمل زى الكره الطريه يبقى تمام 2- قبل ما يصل الشربات للكره الطريه بثوانى نضرب الابيض بيض مع رشه الملح ولما يتضاعف نحط ال 50جم سكر شويه شويه مع الضرب فى الوقت ده هنلاقى الشربات بقى تمام على درجه 125 درجه مئويه ويبقى عامل زى الكره الطريه فى ايدينا مثل الصوره ونقدر نشكلها
3- نحط الشربات خيط رفيع جدا مع الضرب لغايه ما يخلض الشربات ونهدى السرعه ونضرب
حتى يبرد تماما وناخد جزء من الخليط ونلونه باللون الاخضر والباقى نسيبه ابيض ونملآ كيس حلوانى ونبدأ نعمل بيه الورد
ملحوظه للشيف احمد ودائما البنات بتغلط فيها وهى ضرب الابيض بيض كتير ممما يؤدى انه يسيح
لازم قبل وصول الشربات لدرجه ال 125 درجه يعنى 115 درجه نبدأ فى ضرب الابيض بيض

----------- طريقه عمل الكورنيه

نجيب ورقه زبده مستطيله
ورقه الزبده بيكون مقاسها 25 فى 35 سم
نقطعها بالورب بس مش بالظبط بعد 4 سم تقريبا مثل الصوره ونخلى بوز الورقه ناحيه الشيف زى الصوره وبعدين نمسك الطرف ونلف بحيث تكون خط مستقيم وعامله زاويه قائمه وهنا الصوره موضحه الطريقه الصحيحه والطريقه الخطأ ونلف هنلاقى الطرف راح فوق مع قفله الكورنيه بمعنى اصبح 3 اطرف اتجمعت فى اعلى الكورنيه مما يسهل علينا تجميعه واحكامه ومش يفتح تابعى الصور وبعدين نحط كريمه اى اوى حاجه ونقفل عليه ونمسكه مثل الشيف

عارفه بتقطعى المستطيل بالورب اوكى بس مش من الزاويه المستقيمه بعيد عنها بحوالى 4 سم
وبعدين تلفى بزاويه قائمه بحيث طرفه الورفه لما تتلف تكون نهايته على الخليط اللى بنحطه مش عارفه وضحت كده