سمك البربونيبطرق مختلفة وبالصور خطوة خطوة

سمك البربونى

ليه طعم رااائع انا بموووت في السمك المقلي كله

طبعا مفيش مقااادير

انا منزلة موضوع سريعا لجوليتي

نشوف الطريقة :

ننظف السمك ويتغسل جيدا ويرش عليه ملح وليمون وخل ويترك ربع سااعة ثم يغسل مرة اخري 

تتبيلة السمك :

بحب جدا استمتع بطعم السمك المقلي

مش بحب اضيف اي خضار يضيع طعم السمك

التتبيلة :

توم وملح وكمون وشطة وكاااااري كتير( بحب طعمه مع السمك البربوني وموسي)وليمون

ويتبل السمك جيدا من الداخل والخارج ويترك ساعة حتي تتشبع بالتتبيلة

ثم يوضع السمك في الدقيق ويقلي في الزيت

ويفضل نوطي النااار عليه حتي يستوي جيدااا

اسفة نسيت اصور الخطوة ديه كنت مشغولة بالسمك

وبعد ما يقلي وهو سااخن نعصر ليموووون طبعاااا

طبعا يقدم مع الارز الابيض والسلطة

طبق السلطة المفضل عندي

هذا طبق للي يحب يدووووق

 

--------------------------------------------------

سمك بربونى بالشبت والليمون

من التلفزيون قناة النيل


سمك بربونى – ثوم – مستردة – ليمون – شبت – ملح وفلفل – توابل
الطريقة
نضع الفلفل والبصل والمستردة والليمون والثوم والبصل والشبت وفلفل حار وكمون ونخلطهم كلهم مع بعض كويس ناخد شوية من الخلطة ونحشى بيها السمك
نضع فى صينية 3 ورقات عريضة من ورق الخس مفرودين ثم نضع على كل ورقه شوية من الخلطة ثم نضع سمكة فوق كل ورقة ثم نضع عليه المتبفى من الخلطة ثم نضع فى الصينية شوية ماء وندخلها الفرن لحد ما تستوى

----------------------------------------------------

سمك بربونى على الطريقه البورسعيديه تحححححححححححفه
المقادير:
1كيلو سمك بربونى
راس توم مفروم+ملح وكمون وفلفل احمر
ارز
2حبه طماطم كبيره مقطعه قطع صغيره 4فصوص توم مقطعه
ربع كوب خل + زيت للقلى

الطريقه:
بنضف السمك كويس جدا
هقلكم على سر يزود نضافه السمك ويبعد الزفاره عنه
"لما تغسلى الارز صفى الميه اللى تنزل منه على السمك وسيبيه فيها دقيقتين بس
وبعد كده صفيه واشطفيه بالميه كويس"
بعد كده بنتومه يعنى بنحط عليه التوم المفروم مع الملح والكمون والفلفل الاحمرونسيه 10 دقايق


بعد كده بنغطسه فى الدقيق وبنكون مسخنيخ الزيت وبنقلى فيه السمك

بعد كده بنشوح التوم المقطع مع الطماطم المقطعه وبعدين نحط الخل ورشه ملح ويغلى غلوه
ونرشه على السمك وبيتقدم مع الارز الابيض والزتون المخلل
 

وبالف هنااااااا

----------------------------------------------------

سمك بربونى مقلى طبعا

 هنجيب السمك و ننضفه و نتومه

نتومه ازاى بقى انا بحط الحاجات دى فى الخلاط توم والليمون بقشره وبقطعهوبحطه والبهارات اهم حاجة الكمون والكارى وشوية مايه عشان الخلاط يدور بس

صغيرين جدااااا هيبقى الخليط زى الكريم هنحطه على السمك اكبر وقت ممكن

ولما نيجى نعمله هنبدر كمية السمك كلها بالدقيق مرة واحدة ونسيبه شويه انا سيبته وروحت عملت الرز طبعا هتسألونى ليه هاقولكم عشان لما بتسيبيه شويه بتلاقيه طلع ماء على الدقيق وبتلاقى الدقيق بقى مبلول ولما تقليه هتلاقيه مقرمش بدل مافيه ناس بتحطه فى الدقيق وبعدين ماء ولما بيتحط فى الزيت بيفرقع
هنا وهو فى الدقيق

وهنا لما سبته شوية وبقى مبلول

وهنا لما اتقلى مقرمش جدااااا وفيه خطوة ماصورتهاش معلش هتجيبي فصين توم مع شوية كمون هتحمريهم وتطشيهم بالخل وبعدين تحطيهم على السمك قبل التقديم مباشراااا

نيجى بقى للرز

هنحمر بصل مفروم ولما يصفر انا بحب احط البهارات تتحمص مع البصل البهارات (كركم وكارى وبابريكا وزعتر وذرة قرفةوفلفل اسود

وبعدين نحط الماء ونسيبها تغلى وبعدين نحط الرز
 

---------------------------------------------------