لانشون وفرخة محشية بالصور والخطوات

النهاردة كل الخطوات يارب يعجبكم

طبعا كل بيت فى اطفال وبيحبو اللانشون جدا
واحنا بنخاف نجيبة من كتر اللى بنسمعة
دى طريقة للانشون باللحمة
ممكن نستبدل اللحمة بالفراخ المفرومة
وممكن نلغى اللحوم خالص
بس بجد جميل ومضمون
هو باللحمة مش رخيص بس بجد كفاية انك عارفة انتى بتاكلى اية
نشوف المقادير
5 بيض
5 جبنة مثلثات
5ملعقة دقيق
5 ملعقة زيت
3 فص توم
2 مكعب مرقة لو مش حابة زودى بهارات وملح
ملح بسيط لان انا حطة 2 مكعب مرقة تقريبا نصف ملعقة صغيرة
فلفل اسود وحبهان وبهارات لحمة وبابريكا وشعرة صغيرة من لون ثحى من العطار لون احمر
انا زودت قرن فلفل اخضر لانى بحبة
ممكن اضافة شرايح زيتون حسب الرغبة
ربع كيلو لحمة مفرومة
انا ضربتهم كلهم مع بعض فى محضر الطعام او الاخلاط كويس جدا جدا
حطتهم فى ميس نايلون وحاولت اعملة زى الاسطوانة
الفويل ساعدنى فى لفة بعد الكيس طبعا
غليت مية
نحط اللفة فى النية لمدة ساعة ونصف لساعتين علشان يستوى كويس من جوة
لما يطلع تسبية يبرد ويوضع فى التلاجة
صالح لمدة اسبوع فى تلاجة كويسة وطبعا نحطة فى علبة محكمة علشان ما يلقطش اى ريحة
فى ناس حتقول طيب البيض من حيزفرة
لاء انتى حطة فلفل اسود وبهارات
لو خايفة حطى نصف ملعقة خل
المهم جربوة ما تخافوش بجد جميل
.....
فراخ محشيه رز

الطريقه : نغسل الفراخ كويس ونخلي تحت الجلد ونتبلها بملح وفلفل وم خل ونتركها جانبا
نحضر الحشو : بصله مقطعه نحمرها وننزل عليها بكبد وقوانص مقطعه ولحمه مفرومه وبهارات لحم وجوزة الطيب وملح وفلفل وقرفه
ونسقي الرز ونتركه ينضج بس مش اوي لانه لسه هيستوي مع الفراخ
نحشي الفراخ وتحت الجلد ونكتفها ونضعها بكيس الشوي ونقفله
نضعها بصينية الفرن وفي الصينيه ميه قليله وملح وفلفل وورق لوري
ونغطي نص ساعه الصينيه وكل ما الميه تنقص نزود لحد ما تكون الفراخ تلت ارباع سوا نرفع الغطا ونتركها تتحمر
الفراخ للحشو بتكون صغيره يعني مش بتاخد وقت