بالصور الدجاج الروستو بالخضروات وكرسبي ستريس واحلي كريم كراميل وطريقة جديدة لدجاج تكا وطريقة عمل الكريب وكذلك الطحينة وشاورما اسطندراني بعجينة مميزة وصوابع زينب

الدجاج الرستو بالخضروات :-

دجاجه رستو ناضجه
1/2ك خضار ناضج مسلوق
3ملاعق زيت
بصله متوسطه
1ملعقه بقدونس
4ملاعق مرقه
الطريقه :-
ضعي الزيت في طاسه ثم نضع فيها الخضار المسلوق ونشوحه يعني نقلبه
-احضري طبق من الفخار وضعي الدجاج وفوقها الخضار
-عند التقديم صبي قليل من المرق الساخن وادخليها الفرن حتي تنضج .. وجملي الوجه بالبقدونس
وبالهناااااا
........
كرسبى ستريس

المقادير
1\2 كيلو صدور فراخ مخلية بدون عظم أو جلد
مكونات التتبيلة
*************
2 فص توم مهروس
معلقة زعتر ناشف
معلقة سماق
نصف كوب ماء بصل
2 معلقة عصير ليمون
2 معلقة خل
معلقة بهارات – ملح – فلفل
1\2 كوب لبن رايب
الغطاء (الطبقة المقرمشة )
*******************
كوب دقيق عادى+ كوب دقيق ذرة+ كوب كورن فليكس مطحون+م توم بودر
م بصل بودر – ملح – فلفل_2 معلقة بابريكامعلقة بيكنج بودر +ماء
الطريقة
نضع الفراخ فى ماء وعليه خل شوية ثم نصفيها ونتركها حتى تصفى الماء منها .
نقطع الفراخ شرائح ولا رفيعة ولا طخينة .
في طبق نضع جميع مكونات التتبيله في طبق ثم نضيف الفراخ ونقلب ونتركها في الثلاجة قبل بيوم .
نضع مكونات الغطاء في طبق ثم نضع الفراخ واحده واحده حتى تنتهي من الكمية كلها واتركيهاساعه بالثلاجة .
فى زيت غزير تبدأى بتحمير الفراخ حتى يتغير لونها وتقدم مع بطاطس وكول سلو واو حتى مع سلطه طحينة
.........
طريقة جديدة دجاج تكا

هنتبل الفراخ ونتركها فى التتبيلة ليلة كاملة
التتبيله
1 بصله مبشورة ناعم
8 فصوص توم
معلقة جنزبيل بودرة -
ملح - فلفل اسمر - ربع معلقة سكر
معلقة ونصف كارى
معلقة ونصف كركم
معلقة زعتر
معلقتين صلصة
1 م كاتشب
1 م توم بودر+1 م بصل بودر
ليمونه
معلقة كبيرة خل
3 م زيت زيتون
علبه زبادى صغيرة
الطريقه
فرخة مغسولة كويس جدا طبعا ومقسومة نصين بالطول ومنزوع منها الجلد,ونشقها بالسكينة كذا شق ونتبلها بالمكونات السابقه بعد خلط كل المكونات جيدا مع بعضهاونغلفها ونتركها فى التلاجة لمدة ليله
وتانى يوم اشويها ع الفحم او اللى معندوش شوايه يشويها ع شبكه ف الفرن ولنا تحمر كويس نحط فيها فحمايه
أرز تكا المبهر
**********
المكونات
نص كيلو رز بسمتى مغسول ومنقوع ربع ساعة في الماية
-وهنحيب حلة ونحط فيها فصين توم مفرومين ناعم مع قرن فلفل احمر حامي مقطع صغير وتشوحهم في زيت بسيط لحد ما ريحتهم تطلع ننزل معلقة كركم ومعلقة كاري ومكعب مرقة و3 فصوص حبهان وورق لورا ونقلبهم كويس ونحط الرز ونقلبه معاهم وبعدين ننزل بمقدار الماية السخنة ونحط ملح وتسيبة يستوي
التومية
*******
معلقه مايونيز
3فص ثوم
4 معالق طعام زيت ذره
3 نقاط عصير ليمون
نص معلقه ملح
3 معالق طعام نشا (كورن فلاور)
ثلاث ارباع كوب ماء
الطريقه
يذاب النشا في الماء ويوضع على نار خفيفه ويغلي 3 دقايق فقط لحدل لما يتماسك شويه زي المهلبيه وهيصبح لونه شفاف ارفعيه من على النار واتركيه يبرد وبعدين نضع الثوم المهروس والملح والمايونيزفي الخلاط مع عصير الليمون والنشا المطبوخ ونخفقه واثناء الخفق نضيف الزيت على هيئة سرسوب لحد لما تحصلي على الثوميه ولونها بيتحول لابيض ناصع وقوامها كريمي نسيبها في الثلاجه شوية قبل التقديم علشان الطعم يظهر
........
لاحلي كريم كراميل

مقادير الكراميل نص كوب سكر
مقادير الكريم 3بيضات
كوب وربع لبن
نص كوب سكر
كيس فانيليا
معلقة صغيرة زيت
الطريقة نبدا بالسكر علي النار لحد مايسيح لعمل الكراميل ونصبه في القالب ونسيبه يبرد
لتحضير الكريمة نخلط البيض واللبن في الخلاط ونضيف السكر والفانيليا واخلط تاني ويصب علي الكراميل الي في القالب وندخله الفرن بس طبعا متنسيش تحطي القالب في حمام ماء دافي وتدخليه الفرن لحد ما يستوي ودخليه التلاجة قبل ما تاكليه بالهنا والشفا
......
شاورما الفراخ

نص كيلو صدور فراخ مقطعة
٢ بصلة شرايح
ثمرة طماطم مكعبات
فلفل اخضر او الوان
٣ معالق خل
ملح وفلفل
وقرنفل مطحون وزعتر
مش عايزة اكتفي بالملح والفلفل بس بيعملو طعم روعة
تبلي الفراخ بنص لمونة وفلفل اسود
شوحي البصل تشويحة بس انزلي بالفراخ وقلبي هيا بتنزل ميتها انزلي بالفلفل والملح والقرنفل والزعتر وتوم بودر وبصل بودر لو مش عايزة برضة عادي بعدها لما تقرب تشرب الميه وتستوي انزلي بالفلفل الاخضر والخل والطماطم وتغلي شوية وكده جاهزة للتقديم في فينواو عيش ابيض حسب الرغبة طبعا بنشوح في زيت عادي او زيت زيتون
.........
طريقة عمل الطحينة بالمنزل

كوب سمسم
كوب دقيق
كوب الاربع زيت
حمري السمسم واطحنيه كويس بمطحنة التوابل
وتعالي في الخلاط العادي خديه وانزلي عليه بالدقيق مع الخفق
ونزلي الزيت واحدة واحدة لحد ما توصلي للقوام المطلوب
وحطيه في برطمان محكم الغلق
.......
حواوشي بعجينة مميزة

مقادير العجينة :-
١/٢ كيلو دقيق .
١/٢ كوب زيت ذرة كريستال .
كيس خميرة فورية + ملعقة سكر + ربع فنجان مياه دافية .
كوب لبن دافي .
قليل من الملح و الفلفل الاسمر .

الطريقة :
توضع جميع المقادير علي بعضها و تعجن جيدا حتي تتكون عجينة لينة تصلح للعجن بمعني ان تكون غير يابسة أو شديدة الإلتصاق في ايدك ،،،، ثم تترك حتي تخمر ،،،، ثم يتم تكويرها بالحجم الي انتي عاوزاه ثم تترك حتي تتخمر تاني مرة ،،،،،ثم تأخذي كل كورة و تقومي بفردها حتي تكون رقيقة و توضع بداخلها اللحمة المفرومة المتبلة بطريقتك الخاصة بعد تركها في التتبيلة لمدة ساعتين ....
ثم توضع في صينة علي درجة حرارة فوق المتوسطة في فرن ٢٠٠ درجة و تترك تلت ساعة او حتي يصير لونها ذهبي .

ملحوظة أضيفي اللبن بالتدريج أثناء العجن و مش شرط تخلصي كوب اللبن كله .... كله علي حسب العجينة الي في إيدك
......

طريقة عمل الكريب

 المكونات

2 بيض
١ كوب دقيق
١ و ربع كوب لبن
2 ملعقة كبيرة زيت
رشة ملح
رشة سكر

طريقة عمل طريقة عمل الكريب

يخفق البيض جيدا ثم يضاف له الدقق و يخفقون
يضاف اللبن و الزيت و السكر و الملح و يخفقون معا
يوضع في الثلاجة لمدة ساعة
تقلب العجينة قليلا ثم نبدأ بالقلي في مقلاة متوسطة مدهونة زيت علي نار متوسطة
يوضع حوالي ربع كوب في المرة او ملء مغرفة متوسطة و توزع في جوانب المقلاة
تترك حوالي دقيقة حتي يجف السطح تماما قبل قلبها
تقلب و تترك دقيقة ثم ترفع من علي النار
يحشي الكريب بالمكونات المفضلة و يقدم ساخنا او باردا
.........

.طريقه عمل صوابع زينب

 &&مقادير ومكونات الوصفه&&

3 ملعقه يانسون
2 ملعقه سكر
2 كوب دقيق
2 كوب سميد
1 ملعقه كبيرة خميرة
رشه ملح
1 كوب لبن
نصف كوب زيت
(الشربات)
1 كوب ماء
2 كوب سكر
2 ملعقه ماء زهر
2 ملعقه عصير ليمون

&&طؤيقه تحضير الوصفه&&

1-فى اناء على النار نضع الماء والسكر ونقلبهم مع بض ولمه يغلى نضع عصير الليمون ولمه يكون شربات ثقيل نطفى عليه النار ونضع ماء الزهر ونسيبها تبرد
2-فى بوله نضع اليانسون والسكر والدقيق والسميد والخميرة والملح ونضيف عليهم الزيت ونقلبهم مع بعض ولمه تتشرب نضع اللبن الدافئ ونقلبها لحد ما تكون عجينه متماسكه طريه ونسيبها ترتاح فى مكان دافئ لمدة 10 دقائق
3- وناخد قطعه من العجينه ونشكلها كور وعلى ظهر مصفى ونضعط عليها لعمل شكل ونلمها على شكل صوابع
4- وفى زيت سخن عميق نقليها ونسيبها لحد ما تاخد لون ذهبى
5- ونخرجها من الزيت على شربات بارد
6- ويقدم وبالف هنا وشفا
........