طاجن الرز المعمر المسكر..... لسة طالع حالاً من الفرن.....بالصور كماااااااان
السلام عليكم ورحمة الله وبركاتهأنا طول عمري بحب الرز المعمر
بس الحادق
يعني بيكون جنبه لحمة أو فراخ أو بط
والرز المعمر ده مشهور بيه أوي الأرياف
ولما كنت بنزل البلد مع ماما كنت لازم باكله لأني بموووووت فيه
وبعد مااتجوزت
حماتي حبيبتي ربنا يخليهالي كانت بتعملهولي لما عرفت ان انا بحبه
وعملتي لي كمان رز معمر بالسكر
وكانت دي أول مرة أعرف فيها ان الرز المعمر ممكن كمان يتعمل بالسكر
واتجننت عليه لأني لقيت طعمه حلو أوووووووووووووووي
لأني اصلا بحب الرز باللبن الحلو اللي هو زي المهلبية
بس حبيت المعمرالمسكر أكتر لما ذقته
وعملته النهاردة
وكانت أول مرة أعمله فيها
أنا عارفة طولت عليكم وحكيتلكم قصة حياتي هههههههههههه
يالا نشوف الطريقة
هاتي كمية الأرز اللي انتي عايزة تعمليها حسب عدد الطواجن اللي عندك
انقعيه في الميه لمدة 3 ساعات
بعد كده حطيه في الطواجن وحطيله السكر (حسب الرغبة )
بعد كده حطي اللبن
بعد كده الزبدة
بعد كده دخليه الفرن ويكون سخن
وخللى النار عالية
ولما يبدأ بالغليان هدي عليه النار
وده أول طاجن استوي
هدية لأول واحدة حلوة هترد عليا
إيه رأيكم بقا
مستنية التقييم والردوووووووووووود
على فكرة انا حطاه جنبي على ترابيزة الكمبيوتر وباكله دلوقتي
وانا بكتب الموضوع
الرز المعمر المسكر فعلا اكلة جديدة
ردحذفممتاز
حذفالارز المعمر من اهم الاكلات الريفية
ردحذفالارز المعمر يمكن تقديمة للاطفال لانه يحتوي علي اللبن وهو مفيد جدا
ردحذفاهم حاجة في الموضوع الصور اللذيذة
ردحذف